ఒక్కొక్కతరి యొక్కొక్కవిధమున ప్రకటితమౌను
అక్కర కోరికలకు చెక్కెర,మందులేదు మనసు తీపుకు
శ్రీరంగం శ్రీరాగం పాడింది సర్వశ్రీమదాంధ్రల వీనుల విందుకు
కవిత చెప్పినది గొంతులోగంగని దాచలేక మనసులో చోటులేక
ఏ తీరని కోరిక తిరివెట్టెనో దారు ప్రవాగిక దారితీసినది
అరిషడ్వర్గముల సంత్రుప్తమొనరింపనెంచినదేమొ
అదియు కోర్కెయె,ఎడదలకు మంట వెట్టు ఐహికములు
అది ఇదియని యెంచవయ్యె,గోకినకొద్ది దురద
రాజుకైన,రోగికైన,తీట అంటకాల్చి అంతమెంచెడిదికద
బతుకు చెడ్డ,కళవళపడదు భావపుంజిక
బుగ్గౌగాక,చచ్చియు పరిమళించు గళము విడిచిన కవితాగంగ
తాగినాడు,రాసినాడు,తాగినంత తీపిగ,యెద ఝల్లనగ
వేరెవరు గలరు ధ్రుతి యెంచి యెంచగయూక్క
కవిసార్వభౌముడు శ్రీనాధుడు దక్క ఇమ్మహీవలయమున
నాడుకాని,నేడుకాని,రేపుకాని,కనిపించిన మ్రొక్కడె
దాసుడు నారాయణనామధారి వినయప్రపత్తుల.
ముగ్గెశారు వాగ్గేయకారులు
దిగంతాలు విస్తు పోయాయి
ఏపూజ కోసమో, దిగ్గజాలకు తెలుసా
దీపాలు వెలిగించారు,దివి వాకిలి వెలిగింది
ఇప్పుడు దొంగలు చీకటి కోసం వెతుకు తున్నారు
వెలుగులో పారిపోయి చీకట్లో చక్కబెట్టుకోవాలి
కానీ మలుపుల్లో కల్కి నీడలగుపిస్తున్నాయి
ఇంక కలికి కామాక్షుల కొంగుల్లోనో
మంగళ సూత్రాల వెనకో దాక్కోవాలి
పోలీసులూ ఆయకారు అయ్యవార్లూ
ఎంగిలిపడ్డా మింగలేకపోతున్నారు,అయ్యో
రావణావతారం ఇక ముగిన్చాలేమో
అని అవినీతి కుమ్భకర్ణు లు వులికులికిపడుతున్నారు
అమ్మా భారతీ చీకటి విచ్చును లే వెన్నెల నిలుచును లే
No comments:
Post a Comment