Shared with Friends
మనువా.నీవన్నదదేమది మది యెంచిన దా
నవ నాగరిక జీవనము మును మున్నే
నీవూహన మెదిలినదా! భూతము
భవిష్యతమై జడవిప్పినడయాడునని
తపసులు పసువులు మసిలెడు
అడవి మనసది మెదలును పొదలందు
పొంచిన పులివలె కదిలీ కదలని కదళీ
వనమున మొలకెత్తెడి అరటి పిలకవలె .
చడిలేని చిత్తవృత్తుల చిత్తడి విచ్చలవిడి
మడియని మదియన్న వివరము
ముందే తెలుసా మనువా నీమనసుకు,
వర్ణములు కురచై కులములు పొడుగై
నీ వూపిరిపోసిన జనగణ గుణ విస్ఫోటనము
పశురక్కస మానసులను రాజ్యరమారవింద
గ్రుచ్చి బిగియారకౌగలించునని
అవనిన మరి వేరొకయవతారమవసరమగుని
ఓ సత్యవ్రతా మత్పితామహా నీవూహించి వుండవు.
No comments:
Post a Comment