Saturday, 9 March 2013 at 08:43 UTC+05:30

Tiruvengalan Swaamin updated his status.

పాపం శమించేదాకా ఓపిక పట్టండి

మూల్యాంకనలో తొందరపాటు

మూలతత్వంలో మాలిన్యపు మరక

బొందని పట్టుకున్న ద్వంద స్వభావము

కంద మూలాల దుంప తెంచింది.

గంధ రాహిత్యములో కలవరపాటు

కాగితపు పూల జీవన జ్వాల

. వూపిరికి నిప్పంటుకుంది.,

చావు తెలివి తెల్లరింది.

తొందరగా నెత్తిమీద వుసిరి పెట్టండి,

పావన గంగా సలిలములు తెండి.,

తొందరదిప్పొడి గొంతు,గండరగండ

యమకింకరులు సందడిగా నులమకముందే

. తమ్ముళ్ళూ చెల్లెల్లూ ఆలు బిడ్డలూ,

గడ్డుకాలం దాపరించింది,గట్టెక్కించంది.

అయ్యో నాగొంతు నూతిలో వుంది.

చిలకకి తులసాకు కట్టి పంజరంలో దాచండి.

ఓ శరీరమా నేను ప్రాణాన్ని,

మీరలక్ష్యముచేస్తే మానంగుండా జారిపోతా.

మందగించాయిగా వుచ్చ్వాస నిశ్వాసాలు

. ఎక్కడో ఆలాపన నారాయణా.,

కొడుకా ఎక్కడరా,రాయిగా మారావురా?

రేయి తెల్లారు,వుసురు చల్లారు.

లక్షణంగా నాగొంతు పెగలదు

,క్షణాలు దక్షిణముగా కదిలిపోతున్నాయి.

వుత్తరంగా చాపని పరవండిరా.

ఇక బొందని అందలమెక్కించేయ్యండీ,

. దీపం చుట్టూ గిరికీలు కొడుతున్నా,

పాపం శమించేదాకా ఓపిక పట్టండి

. తలదీపములో చమురు విదపండిరా.

కొండెక్కిపోతే చీకట్లో కూరుకుపోతా.

ఇప్పుడు మీరేంచెయ్యాలో చెప్పలేను

, నాకెంకావాలో తెలిసీ ఏంలాభం?

వామదేవుల మంత్రాలు చండ్రనిప్పులతో

కామ,తీపర చెదలని తగలాడుతున్నయి.

రోదనలాపండి,మీదనే నేను,ఇక పూర్తిగానాదే.

చావు నాదే అయినా స్వర్గానికి నిచ్చెన, మీరే వెయ్యలి.!!