అద్వితీయ సోదరూడాతడు

చదువునందు శేషము లేనివాడు

ప్రతిభనందు పూర్ణుడు,పరి విధములనెంచక

పని తనమున పరిణితిగలవాడు,

అనుజుల విడువని వాడు, రాముడు

సతతము చిరునగవుల మెలగు

అద్వితీయ సోదరూడాతడు

మన్నించె మనస్వియై, పుణ్యవశమున

అదియె యశము , అదియె భాగ్యము.

=============================

తల వంచి ములకవేసి

-------------------------------------------------

.

తల వంచి ములకవేసి తరింప నెంచిన తెలుగులార

కళవళ పడక కఫవాత జీవకములనెంచక సుఖమెంచక

పై తరముల పాపోపశమనముగోరి పణముజేసితిరిగద

 తీర్థముల  మీదు ప్రాణములు, శృతకీర్తులె మీరు

దండధరులయ్యు గుండమ్ముల ముల్గితిరి

గండమ్ములముందు నెంచరైతిరి తొందరజేసి

పిండముల మాట పిడుగుపాటు కబురెత్తుకెళ్ళె

గండరగండ పండితులేమొ చేసిరి పీనుగుల పెళ్ళి

పుణ్యముల మాటలేమొకాని తీర్థముల

అన్యములైనవి నిండారు ప్రాణములు

విధి విన్యాసమొ విపరీత ప్రభు విన్యాసమొ

మన్యుసూక్తములు చెప్పినవి మున్నె రాజులార

చేటుకాటుల ముందుగ నెంచకుండుట

సాటిలేని చేతల పాటిగానివారి నుంచుట

మేటివిషయముల నోటిమాటలుగ నెంచుట

ఓటికుండల బోటివి చోటుకానిచోట మాటలు

నరులెట్లు తలచిరొ ఖరుడిట్లు జేసెను

జలమున ౠణములు తీరునని

తరుణమని అనలము నెంచక జొచ్చిరికడు

దీనత హననము నొందిరి పద ఘట్టనమున

నరులార అరయుడు కడు పుణ్యముల పెట్టు

వివరముల నరయుడు తీపి ప్రాణములుకావె

మరణదేవత కారణములనెంచదు,ప్రాణముల

తోరణముల ద్రెంచ మిగుల ప్రేరణము జెందు

జనములు మిక్కిలిగ కూడిన చోట జవములు

నిజముగ చిక్కిన చోట జలములు కలతలు

చెందిన చోట పొంచియుండు చావు, చెల్లించి చంపు