నిన్న తిరుగాడిన హంసలు/ పురంధరుడు మా యన్న

నిన్న తిరుగాడిన హంసలు నేడు కనరారు

నిన్నటి నిరుపమాన సత్యము నేడు మిధ్య

వారి మస్తిష్కాన్ని స్పృశించిన చిరు గాలి

ఇంకా కొండకోనల్లో వేణువూదుతూనేవుంది

వ్యోమకూపములో హోమ గుండాలింకావేడిగానే వున్నాయి,

నదులన్నీసముద్రుడి ఒడిలో పుణ్య తర్పణాలొదుల్తున్నాయి

ఎర్రజీరల పొద్దుని చూసి అలలు వెక్కిళ్ళ పోటెత్తుతున్నాయి

ఒక్కొక్క మహాత్మే కదలివెళ్ళిపోతుంటే

నగ్న హృదయ నాతల్లి పుడమి శీర్ణమేఖలమైనది

అవనీ,నీపుత్రులు కీర్తి వెదజల్లిరి

నక్షత్ర ప్రకాశములు క్రొత్తగాలేవూ,

రాత్రులు శారదా నీరదమైనవి

విభూతుల ఓషదుల పరిమళాలు

వినయ పిటకాలూ,అమరావతిలో

కొత్త వూహలు ప్రసవిస్తున్నాయి

అమ్మా నీ ధుఖములు శమించు గాక

 కశ్యప తీర్థమునుండి సంద్రముల సంధి

,కన్యా కుమారి తీర్థమునందాక

మాన్యుల సమ్మానమున ఇంచుక

సిగ్గరి అయ్యు,హరి హర రూపముల

వదనమున నిడుకొన్నపురంధరుడు మా యన్న

అయారె, కనుడు బందుగులార

జందెముల నొసల నద్దుకొను ఆంగీరస

వారసులార అష్టాక్షరి మంత్ర సిద్దులార!!