రాజ ధర్మము
ఆపద యేర్పడినతరి ధర్మముననెట్లెరుంగునది ?
యుధిష్టురునకు భీష్ముడాపద్ధర్మమిట్లెరింగించె!
మిత్ర క్షీణతన,శత్రువృద్ధిన,బొక్కసమునిండుకొన్నతరి
సచివులు దారితప్పిన,దళపతి ద్రోహియైన
సైనికులుసురాపానమత్తులైన,వరదలనేల
గొట్టుకుపోయిన దీనత కృషీవలులు
ప్రాణముల్తోడుకొనినను, పగటిపూటయును
చోరులు చెలరేగిన తరి, 'రాజ్యము
ఆపదలపాలైనదని నెరుగునది
కటినమగు వైఖరి తప్పదయ్యె రాజునకు
దండించవలె,ప్రాణంబులునష్టమయ్యు శిక్షించల్వలె
మిత్రులు సచివులు,అస్మదీయులన్న వివక్షత చెల్లదయ్యె
ఆత్మజునకైన అరదండములు విధించక తప్ప్దయ్యె
నిష్టూరమయ్యు ద్రవ్యములు సంగ్రహించవలె,
దరిద్రునికూడ నుపేక్షించరాదు, శ్రమనైనను
కప్పముగ గ్రహించగవలయు కులములు
హెచ్చులడ్డుకాదు గడ్డుకాలమున
రాజ్య ధర్మమె మీదుమిక్కిలి ప్రధమ గణ్యము
మాటకి మాట తెగులు తెలుగు తేట మాట
ఎదుట ఎక్కిరింతకి తొలగిపోతా తలవన్చుకు
చిన్న పెద్ద తేడా నిన్నా మొన్నాటిముచ్చట చిన్న
మాట అన్నది ఎవరన్నది కన్నుల చాటుమాట
గుప్పిటి చాటున యిమిడే గుండెల్లో
విప్పుడు పడని మాటల సుడి గుండం
మనసు తలవంచి గుండెని కెలుకుతుంది
తనలోతనే మాట ప్రతిమాట
తప్పెక్కడని తప్పుకోలేని ప్రశ్నలు
తప్పించుకోడానికి తలతిక్క మనసు,
'అయ్యిందేదోఅయ్యింది ముందుకుపోదాం,
అయినా ఉన్న పొద్దు ఉండిపోయేదేమీకాదు
అంటూ,నిన్నా నేడూవేరూ
నిజమూ నీడా వేరూ సరేనా'
అంటూ నన్నుసముదాయిస్తోంది
సరే నాకు నేనంటే ఎవరు?,
సందేహం నాకేవచ్చిందా?
నన్ను నే నిజమనే నిప్పులో
కన్ను మూయకుండా విప్పుకోవాలి
వుల్లి పొరల్లా ఎన్ని నేనులో
కాదు ఎన్ని 'నావి'లో నేనులు
అన్నీ అవ్యక్తంగా వ్యక్తులే
విడివిడిగా దండలో పూవులూ
పనస పండులో బొమ్మరాళ్ళూ,
ఇవన్నీ తలపుల విత్తులా
తలిచేది తల కావేరీ వేరే
వేరు పాదు కొంటుంది
విశ్వమంతా వ్యాపించి
విహరించే వృక్షమవుతుంది
తల లోంచి పూచే విషయాలు
ప్రణవ ప్రళయాంతవ్యాపనాలు
వేరుతెగెలోపల కోరికలు
విరుచుకు పడుతూనే వుంటాయి
మాటలు మనలో మాటగా
విరిగే అలలే నురగలు కక్కుతాయి
కరుణామృతం కాలుష్య విషం
కల గలుపులే కలుపు తలపులే
మననంలో మాటలు స్నానమాడి
మౌనాన్ని మన్నిస్తే యోగంలో
ఆత్మీయత వడపోతై
ఆత్మావిష్కరణమౌతుంది
.
No comments:
Post a Comment