2015

Sunday, 11 January 2015 at 17:45 UTC+05:30

వేళైనది,కాళ్ళు గడపలు దాటవలె,

కాళ రాత్రిన మేళ మాడు వేటగాండ్రు

పట్ట పగలు నట్టింటిన పుట్టి ముంచనున్నారు

తమ్ముడా కోడి పందేనికి రోస పడకు

ఆడబోయిన తీర్థము కాదు

ఆంధ్ర జాతి నవనిర్మాణము

ఒక్కగొంతుకు లెక్క లేదు

గోస బాసట కాదు యాస ముచ్చట కాదు

తడిమి గుండె చప్పుడు విను

కడిమిపూల మెడ దండ చేయి

మణి మేఖల తల్లి మెడన వేయి

చొరబాటుకు చెరబట్టను

పరపీడకు వరసవారున్నారు

కోడి మెడన కత్తి పౌరుషమేమీ కాదు

పేడి మొగము పెద్ద శకునమూ కాదు

వాడి బుద్దిన తల్లితోడై కూడ దీసుకు

వళ్ళుదాచక వెలుగుల నగరికి

జిలుగులద్దుదాము చెలియలి కట్టకి

వెలుగులద్దుదాము విజయ వాకిట

జయకేతనమెత్తుదముగాక

చోరులార మనసార పౌరులుకండు

చేరదీయు మిమ్ము అమ్మ

నాగరిక కదన సమయమిదె

వీరులుకండు కరకట్టలు,

బాటలు కళ్ళెములు

చెరువులు నదులు

చివరకి సంద్రము చేతుల

చేతలకై తెన్నులు దక్కి

చూచుచున్నవి కదలి రండు

కలసి రండు నిజముగ కొంత

లాభము స్వంత మోహము

వదలుకొండు కడలి కేక వేసె,

సుడిగాలి వడి జూపె తమ్ముడు

గోస పడె, దొంగలు దారి తప్పె

నగుబాటుగాక నడుముగట్టి తలకట్టు

బాటకి తొలి అడుగువేయరె

చెమట మనది, చేవ మనది

మనగడ్డపై మన సంపద

మనవూరిలో మన వాసి

ఏవూరియందైన నీవారు గలరు

నీవూరియందు నీ గడ్డ యందు

నీ నేల గుండె చప్పుడదె వినర

సోదర నాగార్జునుడు, బ్రహ్మ్మన్న

తిమ్మన్న గౌతమ వాసిష్టీ పుత్రులు

వాసిగన్న తెలుగన్నలు నీకు

వీర సోదరులు సుమా ఇది సమయము

ఇది హృదయము ఇది కలకాదు నిజము

నీ వూత చేత నిక్కము అమ్మకి అవస్యము

మేలుకో తమ్ముడ చేదుకో నీగడ్డ!!