- అన్ని ప్రశ్నలకీ సమాధానాలక్కర్లేదు,
అసలెన్నో ప్రశ్నలకే అక్కరన్నది లేనే లేదు ,
బండ గుర్తులు పెడితే చాలు .
కంట బడ్డ ప్రతిదాన్నీ తరచి
సాధించి సూత్రాలలో బిగించాలనిపించటం
మహా చెడ్డ వ్యామోహం సుమా,
మనది మండనమిశ్రుల కాలమా?
ఇట్టే వేదాంతమంతా పట్టుబడే
కాలమొకటి వస్తేవచ్చిందిగాక,
తోసుకుపోతే చాలా , మనమంతటి వారమా ?కోహం - అన్వేషణ లో
" సత్యం తెలియాలి - మొదలు
నాకే ముందు, నాకే బాగా. నడుమ
నాకు తెలిసిందే సత్యం - చివర." - ఇట్లా ?
నిశ్శబ్దం తో ప్రారంభిస్తే
మౌనమయినా శేషం మిగులును - - అడుగుట కక్కరేమి చెప్పెడివాడుండగ
- - ఒక్కొక్కరిదొక్కక్క అక్కర,అదియె చిక్కు
- - కొక్కిరింత గల అహము అడిగిన వినదు
- - వినక చప్పుడొ ఎక్కుడు చదువొ కననేరదు
- - మండనమిశ్రుడు ధాతువుల నేర్పరి కాని
- - వందిత జనని పావని శంకరుని కన్నులగన్నయమ్మ
- - వేదముల నగమును వేగముగ నెక్కుట
- - విధము చెడి అఘమున తూలుటయె
- - సత్యమన అనంతమె అవకాశాతీతమె
- - పరిధిన పరుగెడెడి జీవి అంతము చేరును
- - వేదార్ధము తెలిసియు తెలవక నిక్కము,
- - మరి వేదాంతమన కాలాతీత సత్యమె
- - శ్రేయము ధర్మము మౌనము సౌచము
- - అంగములైనప్పుడు కర్మ సచిదానందమగు
- - కరచరణాదుల రుచిర స్పర్శాదుల
- - విరచిత జీవనము శేష విషయమగు
- - కరాగ్రమున నద్దమునిడుకొని
- - శిరోముఖ వీక్షణముచేయవచ్చు కాని
- - పరేంగితమెరుగక ఆత్మానందమరయగలేము
- - నిరంతర యాత్మానందమె వేదాంతపరమార్ధము
- - వేదములు పరేంగిత కొరకు ప్రకృతి నరయుటకొరకు
- - జీవన వన సంచారమునకు బీజములు
- - విధులకు విధి మాలిన తరుణములకు ప్రత్యోపయుక్తములు
-
విరిబోడి సుర లెరగని విరిశిన నవపారిజాతం
పరమ శివుని జాలువారిన కుంతల కాంతి
భరతభవ్య సుధాసంచిత కిశోర వీరగాధ
ధరిత్రిన భారతి త్వష్ట్రయై వెలుగుట కాద్య
Tuesday, 12 February 2013 at 08:57 UTC+05:30
No comments:
Post a Comment