శాంతి ఆశ్రమంలో రెసిడెన్షియల్ స్కూల్ ఉండేది. చదువుకునే పిల్లలకు యూనిఫాం ఉండేది. పసుపుపచ్చ షర్ట్ పైజామా, గాంధీ టోపీ. ఇదిగో ఈ టోపీ నాకు చాలా నచ్చింది. నాన్నగారిని టోపీ కుట్టించమని అడిగాను. శాంతి ఆశ్రమం ఎంట్రన్స్ ఆర్చి గేట్ ముందు బస్ స్టాండ్ కొన్ని కొట్లు ఒక హోటలు ఉండేవి. దర్జీ కొట్టు కూడా అక్కడే. రెండు తెల్ల టోపీలు కట్టించారు. మా సైనిక్ స్కూల్ ప్రయాణంలో ఈ టోపీ చాలా ఉపయోగపడింది. నన్ను నా టోపీని చూసి బెండపూడి సాధువు ముచ్చట పడ్డాడు. ఆయన ఆశ్రమము మామూలు పెంకుటిల్లే. కాకపోతే మండువా అరుగుల ఇల్లు. , తూర్పు కేసి ప్రహరీ గోడ తలుపులు తెరుచుకుని ఉత్తరంకేసి సందు దారి , దాటి ముందుకెళితే ఓ యాభై అడుగుల తరువాత దక్షిణం కేసి పెరడు కనిపిస్తుంది చాలా విశాలం గా ఉంటుంది. పెద్ద ఈతాకు చాపలూ రెండో మూడో బెంచీలు నులక మంచము చూసినట్టున్నాను. ఇంటి పడమటి ద్వారం పెద్ద ఎత్తైన అరుగు పైకి తెరుచుకుని ఉన్నది.ఏడెనిమిది అడుగుల అరుగు క్రిందికి కొన్ని మెట్లు ఉన్నాయి. ఒకాయన బుంగ మీసాలు, బవిరిగడ్డంతో ప్రక్షచ్య మయ్యాడు. అరవై ఏళ్ళుండవచ్చు. నోట్లో పెద్ద చుట్ట. తాపీగా పొగతాగుతున్నాడు. కొంతమంది చాపలమీద కూచున్నారు. బెంచీలు ఖాళీ గా ఉన్నాయి. మేము ఎండలో నడిచివచాముకదా నాయనగారి తెల్లటి మొహం ఎర్రగా కందిపోయింది. మేము కోటలోకి ప్రవేశించేముందే ద్వారం దగ్గర రాతి తొట్టేలున్నాయి. వాటి పక్కన రెండు ఇత్తడి చెంబులున్నాయి. అక్కడ కాళ్ళు కడుక్కున్నాము నాన్నగారు కండువాతో నామొహం తుదించారు. లోపలకి ప్రవేశించాము. నా టోపీ తడవకుండా నాన్న గారికి ఇచ్చానుకదా అది మళ్ళీ జాగర్తగా నెత్తిమీద సద్దుకున్నాను. నన్నూ నాన్నగారినీ బెంచీమీద కూర్చోమని లావు కర్ర పట్టుకున్న ఒకడు చెప్పాడు. నాన్న గారు సాధు గారూ ఎడ్వో విషయాలు మాట్లాడుకున్నారు. నాన్నగారు బెండపూడి సాధువులు చాలా పెద్ద దండం పెట్టారు. ఆయన మా వెనకాల కొంతమంది వచ్చారు. వాళ్లకి ఆయన చుట్ట లను చేత్తో విసిరి ఇచ్చారు. ఆయన మాట్లాడుతూనే గుమ్మలోకి తొంగిచూసి చెయ్యి ఊపారు. ఒక గంప, అరటి ఆకులతో కప్పి ఉన్నది బయటకొచ్చింది. ఆయన అందులోంచి లావు గారెలు తీసి నాయన గారికీ నాకు సమర్పించారు. బుంగ మీసాల వెనక చిరునవ్వు ఆయన చామన ఛాయ మొహం కళ్ళలో కదలాడుతోంది. నాన్న గారు రెండుమూడు పద్యాలు చదివిన గుర్తు. అవే శాంతిఅశ్రమములో చదువుతూ ఉండేవారు. మేము తిన్నవి బెల్లపు పాకలో నానిన నేతి గారెలు. ఇప్పటికీ మళ్ళీ అలాంటి గారెలు తినలేదు.
No comments:
Post a Comment